பஞ்சு அருணாச்சலம் அவர்களை பற்றி உங்களுக்கு நான் அதிகம் சொல்லத் தேவையில்லை. கவியரசு கண்ணதாசனின் உதவியாளராக இருந்தவர். பாடலாசிரியர், தயாரிப்பாளர், வசனகர்த்தா என பன்முகத் தன்மை கொண்டவர். இசைஞானி இளையராஜாவை ‘அன்னக்கிளி’ திரைப்படம் மூலம் அறிமுகப்படுத்தி தமிழ் திரையுலகின் தலையெழுத்தை மாற்றியவர். சூப்பர் ஸ்டாரை வைத்து ஆரம்ப காலம் முதல் 90களின் மத்தி வரை பல சூப்பர் ஹிட் படங்களை தயாரித்தவர். அவருடன் நிறைய படங்களில் பல்வேறு துறைகளில் பணிபுரிந்தவர். சூப்பர் ஸ்டார் பெரிதும் மதிக்கும் மூத்தவர். எல்லாவற்றுக்கும் மேல் அவரின் குடும்ப நண்பர். நலம் விரும்பி.

ஓரளவு ஓய்வுக்கு பின்னர் எனது உடல் நலம் ஓரளவு தேறியதை அடுத்து, ஒரு மாற்றம் வேண்டி இவரது சந்திப்பிற்கு முயற்சி செய்தேன். நமது முயற்சிக்கு வெற்றி கிட்டியது. தி.நகரில் உள்ள அவரது ஃபிளாட்டில் சந்திக்கும் வாய்ப்பு சில நாட்களுக்கு முன்னர் கிடைத்தது. நமது தள வாசகர்கள் & நண்பர்கள் அஷ்ரப் அலி மற்றும் பாலுமகேந்திரன் ஆகியோருடன் சென்றிருந்தேன்.

குறித்த நேரத்தில் அவரது இல்லத்திற்கு சென்றவுடன், இன்முகத்துடன் நம்மை வரவேற்றார். நண்பர்களை அவரிடம் அறிமுகம் செய்துவைத்து, நமது தளம் சார்பாக அவருக்கு வாழ்த்துக்கள் கூறி பூங்கொத்தை அளித்தோம். பின்னர் சௌகரியமாக எங்களை அமரச் செய்தார். வரவேற்ப்பறையில்
நமது சந்திப்பு நடைபெற்றது.

எங்களது கேள்விகளுக்கு சரளமாக பதிலளித்தார். கேள்வி-பதில் போலல்லாமல் ஒரு உரையாடல் (CHAT) போல எங்கள் சந்திப்பு அமைந்தது.  சில கேள்விகளுக்கு அவர் பதில் கூறும்போது (முதுமை காரணமாக) சற்று DEVIATE ஆனாலும் குறுக்கீடுகள் இன்றி, அவர் பேசுவதை அமைதியாக கேட்டுக்கொண்டோம். ஒரு மூத்த சகோதரனை போல சூப்பர் ஸ்டார் ரஜினி அவர்களை அவன், இவன் என்றே சந்திப்பு நெடுக குறிப்பிட்டார். அதில், அவரது அன்னியோன்ய அன்பு தான் வெளிப்பட்டது.

தற்போது திரையுலகம் செல்லும்போக்கு, அவரது மனதில் ஆழ்ந்த கவலைகளை ஏற்படுத்தியிருப்பதை உணர்ந்துகொள்ளமுடிந்தது. மக்களின் பல்ஸ் தெரிந்த, இண்டஸ்ட்ரியின் நெளிவு சுளிவுகள் ஓரளவு அறிந்த இவரைப் போன்ற சீனியர் தயாரிப்பாளர்கள் இன்றைய சூழலில் தயாரிப்பை விட்டு ஒதுங்கியிருப்பது திரையுலகிற்கு தான் நஷ்டம். குறிப்பாக ரஜினி ரசிகர்களான நமக்கு பெரும் நஷ்டம்.

நீங்கள் அவரை சந்தித்தால் அவரிடம் கேட்க விரும்பும் அத்துணை கேள்விகளையும் நாங்கள் கேட்டிருக்கிறோம். எனவே, சுவாரஸ்யத்துக்கு, நெகிழ்ச்சிக்கு இந்த தொகுப்பில் பஞ்சமிருக்காது.

இன்றைய இளைஞர்களுக்கும் தற்கால ரசிகர்களுக்கும் அவர் சொல்ல விரும்பும் அறிவுரை, அனைவரும் பின்பற்றவேண்டிய ஒன்று.

இந்த சந்திப்பு இரண்டு தொகுப்புகளாக தயார் செய்யப்பட்டுள்ளது. முதல் தொகுப்பு தற்போது வெளியிடப்படுகிறது. இரண்டாம் தொகுப்பு விரைவில் வெளியிடப்படும்.

சந்திப்புக்கு பொருத்தமான வீடியோ கிளிப்புகளும், புகைப்படங்களும் இணைக்கப்பட்டுள்ளன. இந்த பதிவு குறித்தும், சந்திப்பு குறித்தும் உங்கள் மேலான கருத்துக்களை தெரிவிக்கவும். நிறை, குறைகளை தயங்காது சுட்டிக்காட்டவும். திருத்திக்கொள்ளவும், சுறுசுறுப்பாக அடுத்த சந்திப்பிற்கு தயாராகவும், உங்கள் கருத்துக்கள் உதவும்.

சந்திப்பின் போது, உடனிருந்த நண்பர்கள் அஷ்ரப் அலி மற்றும் பாலுமகேந்திரன் ஆகியோருக்கு நன்றி.

- சுந்தர்

—————————————————————————————————-

ரஜினியுடன் முதல் சந்திப்பு

நாம் : நீங்கள் முதன் முதலில் ரஜினி அவர்களை சந்தித்தது எப்போது?

திரு.பஞ்சு அருணாச்சலம் : ‘கவிக்குயில்’ (1976) படத்தில் ரெண்டு ஹீரோவில் ஒரு ஹீரோவா ரஜினி நடிச்சிருப்பார். அப்போ தான் அவரை சந்திச்சேன். ‘கவிக்குயில்’ ஷூட்டிங் ஸ்பாட் தான் நான் அவரை முதன் முதலில் சந்திச்சது.

கவியரசு கண்ணதாசன் & ரஜினி

நாம் : நீங்கள் கவியரசு கண்ணதாசனின் வலது கரமாக இருந்தீர்கள். கவியரசு ரஜினி அவர்கள் மீது வைத்திருந்த மதிப்பு குறித்து ஏதாவது சம்பவம், அல்லது கவியரசுவின் வாக்கு ஏதாவது உண்டா?

திரு.பஞ்சு அருணாச்சலம் : கவிஞர் (கண்ணதாசனை இப்படித் தான் குறிப்பிடுகிறார் பஞ்சு) ரஜினி மீது நல்ல மதிப்பும் பாசமும் வைத்திருந்தார். ‘ஆறிலிருந்து அறுபது வரை’ படத்தின் வெள்ளி விழா நிகழ்ச்சிக்கு கவிஞர் வநதிருந்தார். அவர் தான் அந்த நிகழ்ச்சிக்கு CHIEF GUEST. அப்போது படத்தில் பணியாற்றிய இளையராஜா உட்பட அனைவரையும் நல்ல முறையில் வாழ்த்தி பேசினார். குறிப்பாக ரஜினி பற்றி நன்றாக பேசினார். கவிஞர் என்ன பேசினார் என்று எனக்கு நினைவில் இல்லை. ஆனால், நன்றாக பேசினார். அவரது உரையில் நெகிழ்ந்துபோன ரஜினி, அவர் காலில் விழுந்து ஆசிபெற்றார். எனக்கு தெரிந்து ரஜினி முதன் முதல்ல கால்ல விழுந்து ஆசி வாங்கி ஷீல்டு வாங்கிக்கிட்டது கவிஞர் கிட்டே தான்.

நாம் : கவிஞர் வேறு ஏதாவது ரஜினி அவர்கள் குறித்து தீர்க்க தரிசனமாக ஏதாவது கூறினாரா?

திரு.பஞ்சு அருணாச்சலம் : இல்லை. கவிஞர் ஒரு போதும் எதிர்காலத்தை பற்றி பேசமாட்டார். அப்பப்போ என்னவோ அதை பற்றி தான் பேசுவார். ஒரு வளர்ந்து வரும் நடிகரை எந்தளவு பாராட்ட வேண்டுமோ அந்தளவு தான் அவர் ரஜினியை பாராட்டினார். அதற்கு மேல் பேசினால், ஜால்ரா அடிக்கிற மாதிரி ஆயிடும். அப்போல்லாம் மேடையில் ஒருவரை அனாவசியமாக புகழ்ந்து பேசமாட்டார்கள். இப்போது தான் அந்த கலாச்சாரம் அதிகரித்துவிட்டது. ஒருவரை புகழ்ந்து பேசி புகழ்ந்து பேசி கடைசியில் மார்கெட்டையே  காலி செய்துட்டு போய்டுறாங்க.

அப்போல்லாம் மேடையில் ஒருவரை அனாவசியமாக புகழ்ந்து பேசமாட்டார்கள். இப்போது தான் அந்த கலாச்சாரம் அதிகரித்துவிட்டது. ஒருவரை புகழ்ந்து பேசி புகழ்ந்து பேசி கடைசியில் மார்கெட்டையே  காலி செய்துட்டு போய்டுறாங்க.

நாம் : நான் ஏன் இதை கேட்டேன்னா சார்… மற்றவர்கள் வாக்கிற்கும் கவிஞன் வாக்கிற்கும் வித்தியாசம் உள்ளது. கவிஞன் வாக்கு பொய்க்காது என்பார்கள். அதுவும் கண்ணதாசன் போன்ற தெய்வக் கவிஞர்களின் வாக்கு நிச்சயம் பொய்க்காது. அதனால் தான் கேட்டேன்.

திரு.பஞ்சு அருணாச்சலம் : நல்லா தான் பேசினார் கவிஞர். “ரஜினி பற்றி என்கிட்டே நிறைய சொல்லியிருக்காங்க. அவர் பெரிய ஸ்டைல் நடிகர் அது இதுன்னு. அவர் படம்லாம் நான் நிறைய பார்த்ததில்லே. இந்த படம் தான் பார்த்தேன். நல்லா அருமையா உணர்ச்சி பூர்வமா ஒரு முதிர்ச்சியடைந்த நடிகரா நடிச்சிருந்தார். நல்லா வருவார்.” அப்படின்னு கவிஞர் சொன்னார். அது எனக்கு நல்லா ஞாபகமிருக்கு.

காரணம் அந்தப் படத்துக்கு முன்னாடி ரஜினி பத்து பன்னிரண்டு படம் நடிச்சிருந்தாலும், அந்த படத்திலெல்லாம் நடிப்பதற்கு அவருக்கு பர்ஃபார்மன்ஸ் பண்றதுக்கு வாய்ப்பு கிடைக்கலே. இந்தப் படத்துல அவரோட நடிப்பு திறமையை காண்பிக்கிறதுக்கு நல்ல வாய்ப்பு கிடைச்சது. ஆக்ட் பண்றதுக்கு ஸ்டைல் பண்றதுக்கு இதுக்கெல்லாம் அவருக்கு முன்னாடி வாய்ப்பிருந்தது. ஆனால் இந்தப் படத்தில் வருவது போல, ஃபீல் பண்ணி பர்பார்மன்ஸ் பண்றதுக்கு வேற எதுலயும் அந்த காலகட்டம் வரைக்கும் அவருக்கு வாய்ப்பு கிடைக்கலே. அப்புறம் அவருக்கு ஸ்கோப் கிடைச்ச ஒரு படம் ‘புவனா ஒரு கேள்விக்குறி’.

நூறு படம் பண்ணினார்னா அதுல கிட்டத்தட்ட 85 படங்கள் ஆக்க்ஷன் படங்கள் தான். பர்ஃபாமன்ஸை காட்ட வாய்ப்பு கிடைச்சது சுமார் 15 படங்கள் தான்.

நாம் : ‘புவனா ஒரு கேள்வுக்குறி’ ரஜினிக்கு இப்போ நீங்கள் பார்க்கிற ரஜினிக்கும் என்ன வேறுபாடு?

திரு.பஞ்சு அருணாச்சலம் : ‘கவிக்குயில்’ படத்தப்போ எனக்கு ரஜினி சார் அவ்வளவா பழக்கமில்லே. சிவக்குமார் சார் தான் பழக்கம். நானும் ரஜினியும் ஒருத்தரை ஒருத்தர் பார்க்கும்போது ஜஸ்ட் விஷ் பண்ணிக்குவோம். அப்போ ‘மூன்று முடிச்சு’ படம் ரஜினி நடிச்சிட்டிருந்தார். என்கிட்டே வந்து கேட்டார்…. “சார் நானே பேசுறதுக்கு ரொம்ப கஷ்டமா இருக்கு. டப்பிங் பண்ண வைக்கலாமா? உங்க ஒப்பீனியன் என்ன?” அப்படின்னு கேட்டார். நான் சொன்னேன், “உன் சொந்தக்குரல்ல பேசு. டப்பிங் பண்ணி பேசினா முழு உணர்வு வெளிப்படாது. கொஞ்சம் முன்னே பின்னே ஆனாலும் பரவாயில்லே. கத்துகிட்டு நீயே பேசு. அப்புறம் அதுவே ஒரு ஸ்டைலாயிடும்” அப்படின்னேன். அதுக்கப்புறம் ரஜினி அவரோட படத்துக்கு அவரே டப்பிங் பேச ஆரம்பிச்சிட்டார். அதுக்கு முன்னாடி அவன் டப்பிங் பண்ணினான என்பது குறித்து எனக்கு நினைவில்லே. ஆனா ‘காயத்ரி’ படத்துல இருந்து அவனே சொந்தக் குரல்ல பேச ஆரம்பிச்சிட்டான். அவனுக்கு அதுல ரொம்ப சந்தோஷம்.

சிங்கப்பூர் நைட் லைப்ஃபை என்ஜாய் செய்த ரஜினி

நாம் : ரஜினி அவர்களுடன் உங்கள் நட்பு நெருக்கமானது எப்போது? அதாவது உங்கள் இதயத்தில் அவர் இடம் பிடித்தது எப்போது?

திரு.பஞ்சு அருணாச்சலம் : அப்புறம் நெருங்கிப் பழகுறதுக்கு எப்போ வாய்ப்பு கிடைச்சதுன்னா, ‘ப்ரியா’ ஷூட்டிங்கல தான்.  மொத்தம் 30 நாள் ஷூட்டிங். ஒரே ரூம்ல தான் தங்கினோம். ஒண்ணா சாப்பிடுறது, டிஸ்கஸ் பண்றது வெளியே சுத்தி பாக்குறது இப்படி போச்சு அந்த நாட்கள். நைட் முழுக்க பேசிக்கிட்டே இருப்போம். ஷூட்டிங் முடிஞ்சி ஈவ்னிங் வந்தா பெரும்பாலும் சிங்கப்பூர் ஸ்ட்ரீட்ஸை சுத்திப்பாக்க போயிடுவோம். நைட் ஒரு மணி ரெண்டு மணி வரைக்கும் கூட சில சமயம் கூட இருப்பாரு. “எனக்காச்சும் பரவாயில்லேப்பா… ஸ்பாட்ல வேலை எதுவும் இல்லே. காலைல நிதானமா பத்து பதினொரு மணிக்கு கூட வருவேன்.  ஆனா நீ அப்படி இல்லே. காலைல ஆறு ஏழு மணிக்கெல்லாம் ரெடியாயிடனும். போதும் போலாம்”ன்னு சொன்னா கூட கேட்க்க மாட்டான். மூணு மணி நாலு மணி வரைக்கும் கூட சுத்துவேன். சிங்கப்பூர்ல நைட் லைஃப் நல்லாயிருக்கும்.  அவனும் அப்போ தான் முதன் முதல்ல ஃபாரீனுக்கு வர்றானா… அதுனால நல்லா என்ஜாய் பண்ணுவான். அப்போல்லாம் ஃபாரீனுக்கு ஷூட்டிங் போறது ரொம்ப கஷ்டம். அபூர்வம். நைட் ஃபுல்லா சுத்தி பார்த்துட்டு இவன், நாலு மணிக்கு படுத்தாகூட கரெக்ட்டா ஆறு மணிக்கு காலைல எழுந்திருச்சு ஷூட்டிங்கிற்கு ரெடியாயிடுவான். எனக்கு தெரியாது…. நான் தூங்கிகிட்டு இருப்பேன். பத்து மணிக்கு தான் நான் எழுந்திருப்பேன். இதுலே இருந்து அவன் மேல எனக்கு மரியாதையும் ஏற்பட்டிச்சி. அவன் கூட ஃபிரெண்ட்ஷிப்பும்  நெருக்கமாச்சு. இன்னை வரைக்கும் அதே ஃபிரெண்ட்ஷிப் தான்.

நைட் ஃபுல்லா சுத்தி பார்த்துட்டு இவன், நாலு மணிக்கு படுத்தாகூட கரெக்ட்டா ஆறு மணிக்கு காலைல எழுந்திருச்சு ஷூட்டிங்கிற்கு ரெடியாயிடுவான். எனக்கு தெரியாது…. நான் தூங்கிகிட்டு இருப்பேன். பத்து மணிக்கு தான் நான் எழுந்திருப்பேன். இதுலே இருந்து அவன் மேல எனக்கு மரியாதையும் ஏற்பட்டிச்சி.

எங்களைப் பொறுத்தவரைக்கும் நாங்க காம்பினேஷன்ல  வொர்க் பண்ண படம் எல்லாம், என்னோட படமா இருந்தாலும் சரி, ஏ.வி.எம்.க்கோ அல்லது வேற யாருக்கோ பண்ணதா இருந்தாலும் சரி… எங்க காம்பினேஷன்ல வந்த படம் எல்லாம் சூப்பர் ஹிட் தான். ஒன்னு ரெண்டு சுமாராப் போச்சே தவிர மத்தது எல்லாம் சூப்பர் ஹிட் தான். காரணம் எனக்கும் அவனுக்கும் இடையே இருந்த அண்டர்ஸ்டாண்டிங்.

அன்றைய ரஜினி Vs இன்றைய ரஜினி

நாம் : அப்போ இருந்த ரஜினிக்கும், இப்போ உள்ள ரஜினிக்கும்…. என்ன DIFFERENCE நீங்க உணர்றீங்க சார்…?

திரு.பஞ்சு அருணாச்சலம் : ரஜினியை பொறுத்தவரைக்கும் அவர் அதே ரஜினி தான். ஆனா அவரோட மார்கெட் தான் எங்கேயோ போயிடுச்சு. அப்போ பண்ண பத்து படத்துக்கு இப்போ பண்ற ஒரு படம் ஈக்வல். வருஷத்துக்கு பத்து படம் பண்ணது போய், இப்போ ரெண்டு மூணு வருஷத்துக்கு ஒரு படம் பண்றார். தவிர அவருக்கு ஏஜ் ஆகுது இல்லே. அதையும் மனசுல வைக்க வேண்டியிருக்கு. பட் ஆனா அவர் சொன்ன மாதிரி, அவர் இப்போ ஒரு படம் பண்ணா நூறு படம் பண்ண மாதிரி. So, எதையும் யோசிச்சு செய்ய வேண்டியிருக்கு.

மத்தபடி என்கிட்டே அவர் பழகுறதுல எந்த வித்தியாசமும் இல்லே. என்ன ஒரே ஒரு வருத்தம். அது காலத்தின் கட்டாயம். வேற வழி இல்லே. அப்போ ரெகுலரா ஆக்ட் பண்ணிட்டு இருந்தார். ஆறு படம் பண்ணினார்னா அதுல மூணு படம் நான் அவர் கூட ஏதாவது ஒரு வகையில ஒர்க் பண்ணுவேன். ஆகையால் டெய்லி சந்திக்கிறதுக்கான வாய்ப்பு இருந்தது. ஆனா இப்போ, இல்லே. அவர் ஷங்கர் படத்துல நடிக்கும்போது, செட்ல நான் போய் அரட்டையடிச்சுக்கிட்டுருந்தேன்னா மத்தவங்களுக்கு ஒரு மாதிரி இருக்கும். அவர் வரச் சொல்லுவாரு. நான் போகமாட்டேன். நான் போனா கண்டிப்பா உட்கார வெச்சு ஒரு 15 நிமிஷமாவது பேசுவாரு. அவ்ளோ பெரிய செட் போட்டு கோடிக்கணக்குல செலவு பண்ணி படம் எடுக்கும்போது, நான் போய் அங்கே உட்கார்ந்தா அது சரியா வராது.

அவர் ஷங்கர் படத்துல நடிக்கும்போது, செட்ல நான் போய் அரட்டையடிச்சுக்கிட்டுருந்தேன்னா மத்தவங்களுக்கு ஒரு மாதிரி இருக்கும். அவர் வரச் சொல்லுவாரு. நான் போகமாட்டேன். நான் போனா கண்டிப்பா உட்கார வெச்சு ஒரு 15 நிமிஷமாவது பேசுவாரு. அவ்ளோ பெரிய செட் போட்டு கோடிக்கணக்குல செலவு பண்ணி படம் எடுக்கும்போது, நான் போய் அங்கே உட்கார்ந்தா அது சரியா வராது.

நாம் : கரெக்ட் சார்…. உங்க கணிப்பு சரி தான்.

உடல் நலம் சரியில்லாது போன சமயம்….

நாம் : அவருக்கு போன வருஷம் உடம்பு சரியில்லாம் போய் ரொம்ப சீரியஸா இருந்தாரு. அப்போ என்ன ஃபீல் பண்ணீங்க?

திரு.பஞ்சு அருணாச்சலம் : ரொம்ப வருத்தமா இருந்துச்சு. ஏனா, எனக்கு தெரிஞ்சி தலைவலி இந்த மாதிரி சின்ன சின்ன பிரச்னை தான் அவருக்கு வருமே ஒழிய, அவர் ஜூரம், அப்படி இப்படின்னு படுத்தது கிடையாது. முப்பது வருஷத்துல இந்த மாதிரி ஹாஸ்பிடலுக்கெல்லாம் அவர் போய் படுத்ததேயில்லை. அதே மாதிரி, எந்த ஷூட்டிங்க்லயும், “எனக்கு உடம்பு சரியில்லே… ரெண்டு மூணு நாள் கழிச்சி வர்ரேன்…” அப்படி இப்படின்னெல்லாம் சொன்னது கிடையாது. ரொம்ப ஆக்டிவா இருப்பான். ஹெல்த்தை நல்லா மெயின்டைன் பண்ணிட்டு வருவான். ஹெல்த் கான்சியஸ் உள்ள ஒரு ஆள். நிறைய படிச்சவன். சில பல பழக்கங்கள் இருந்தால் கூட ஹெல்த் மேல ரொம்ப அக்கறையுள்ளவன். முன்னே யங் ஏஜ்ல நிறைய இருந்தது. ஒரு ஸ்டேஜுக்கு அப்புறம் எல்லாத்தையும் ஒழுங்குபடுத்திக்கிட்டான். அவன் கண்ட்ரோலுக்கு எல்லாத்தையும் கொண்டு வந்துட்டான். நல்ல உடற்பயிச்சி, சுத்தமான உணவு வகைகள், நல்ல இயற்கை காற்று, அவனுக்கு சொந்தமா தோட்டம் இருக்கு… அங்கே போய் ரெகுலரா வாக்கிங் போவான், ஸ்விம்மிங் பண்ணுவான்… இப்படி ஒரு நீட்டான ஆளுக்கு ஏன் இப்படி வந்ததுன்னு ஆச்சரியமா இருந்தது.

அந்த சமயத்துல போய் அவனை பார்க்கவே முடியலே. ஏகப்பட்ட கெடுபிடி. அதுகூட வாஸ்தவம் தான். அந்த நேரத்துல எல்லாரும் பார்க்கனும்னு ஆசைப்படுவாங்க. அவ்ளோ பேரும் பார்த்துகிட்டு இருந்தாங்கன்னா…

நாம் : ஆமா… விசிட்டர்ஸ் மூலமா INFECTION (தொற்று) ஏற்பட வாய்ப்பிருக்கு….

திரு.பஞ்சு அருணாச்சலம் : அதுமட்டுமில்லே… அவனுக்கே என்னமோ போலாயிடும். நமக்கு என்னமோ ஏதோன்னு பயம் வந்துடும் அவனுக்கு. அதனாலயே நாங்கல்லாம் போகாம அவாய்ட்  பண்ணிட்டோம். அவங் வீட்டுலயும் கேட்டுகிட்டாங்க. ‘இப்போ அவரை யாரும் பார்க்க வரவேண்டாம். அவர் குணமடைஞ்சு வீட்டுக்கு திரும்பியதும் கண்டிப்பா வாங்க”ன்னு சொன்னாங்க. அதுனால அவர் வீட்டுக்கு திரும்பியவுடன் தான் போய் பார்த்தோம்.

அவனுக்கே என்னமோ போலாயிடும். நமக்கு என்னமோ ஏதோன்னு பயம் வந்துடும் அவனுக்கு. அதனாலயே நாங்கல்லாம் போகாம அவாய்ட்  பண்ணிட்டோம்.

பஞ்சு அருணாச்சலம் தயாரிப்பில் ரஜினி நடிப்பாரா….

நாம் : உங்க தயாரிப்புல அவர் இனி நடிக்கிறதுக்கு வாய்ப்பு இருக்கா? ஏன்னா, இடையில் அந்த பேச்சு அடிபட்டது.

திரு.பஞ்சு அருணாச்சலம் : ஆமா உண்மைதான். ஆனா, இனிமே அதுக்கு வாய்ப்பில்லே. ஏன் இல்லேன்னா, அவர் எனக்கு தர தயாராத் தான் இருக்கார். ஆனா நான் எடுக்க முடியாது. காரணம் பட்ஜெட் அது மாதிரி போயிடுச்சு. எனக்கு வசதியில்லேன்னு இல்லே. ரஜினி நடிக்கிறார்னா யார் வேணும்னாலும் எனக்கு கடன் தருவாங்க. பணத்தை கொட்டுவாங்க. ஆனா, எனக்கு வயசாயிடுச்சு. மென்டலா ஹெல்த் ரொம்ப வீக். இப்போ போய் நான் 100 கோடி, 150 கோடில்லாம் வாங்கி, படத்தை தயாரிக்க முடியாது. அவ்ளோ பெரிய பணத்தை, படத்தை, பட்ஜெட்டை எல்லாம் மேனேஜ் பண்ற கப்பாஸிட்டி எனக்கு கிடையாது. மறதி வேற அதிகமாயிடிச்சு. உடம்பு வேற அடிக்கடி சரியில்லாம் போயிடுது. தவிர இது முடியவே முடியாதுன்னு இல்லே. நான் இந்த டென்ஷனை இழுத்து போட்டுக்கிட விரும்பலை.

அவ்ளோ பெரிய பணத்தை, படத்தை, பட்ஜெட்டை எல்லாம் மேனேஜ் பண்ற கப்பாஸிட்டி எனக்கு கிடையாது. மறதி வேற அதிகமாயிடிச்சு. உடம்பு வேற அடிக்கடி சரியில்லாம் போயிடுது. தவிர இது முடியவே முடியாதுன்னு இல்லே. நான் இந்த டென்ஷனை இழுத்து போட்டுக்கிட விரும்பலை.

நாம் : ஆனா… உங்களை மாதிரி அவரோட நலம் விரும்பிகள் அவர் படத்தை ப்ரொட்யூஸ் பண்ணினாங்கன்னா நாங்கள் நிம்மதியா இருப்போம் சார்.

(சிரிக்கிறார்….)

ஆனா… உங்களை மாதிரி அவரோட நலம் விரும்பிகள் அவர் படத்தை ப்ரொட்யூஸ் பண்ணினாங்கன்னா நாங்கள் நிம்மதியா இருப்போம் சார்.

நாம் : உண்மையிலேயே சார்… அவரோட சுபாவம் உங்களுக்கு தெரியும். எங்களோட டேஸ்ட் தெரியும். ஜனங்களோட பல்ஸும் புரிஞ்சவங்க நீங்க…. OUTPUT ஐ அழகா கொண்டுவந்துடுவீங்க….

(எது எப்படியோ நிச்சயம் நன்றி மறக்காம வெற்றி விழா எடுப்பாங்க. இல்லையா நண்பர்களே?)

நாம் : இப்போவும், குருசிஷ்யனை எங்களால மறக்க முடியலே. 28 நாள்ல படத்தை முடிச்சு, சாங்ஸ் எல்லாத்தையும் சூப்பர் ஹிட் பண்ணி வாவ்…. அது ஒரு கனாக்காலம்….

நாம் : அவரோட நீங்க நெருங்கி பழகியிருக்கீங்க… அவரோட எளிமை, பணிவு இதை குறிப்பிடுகிற மாதிரி சம்பவம் ஏதாவது….?

திரு.பஞ்சு அருணாச்சலம் : ஒன்னு ரெண்டு இல்லே… அது நிறைய இருக்கு… (எதை ஞாபகப்படுத்தி சொல்வது? என்கிற தடுமாற்றம் அவரிடம் தென்படுகிறது).

நாம்: ஏதாவது ஒரு சம்பவத்தை ஷார்ப்பா சொல்லுங்க சார்….

திரு.பஞ்சு அருணாச்சலம் : தேவையே இல்லே. ஏன்னா… அவர் இந்த நிலைமைக்கு வந்த பிறகு, மத்தவங்க நடந்துக்குற முறைக்கும் அவர் நடந்துக்குற முறைக்கும் நிறைய வித்தியாசம் இருக்கு. சொல்லப் போனா அவருக்கு எளிமையும் பணிவும் அதிகமாயிருக்கு.

என்ன…முன்பெல்லாம் கொஞ்சம் டென்ஷன் பார்ட்டி அவன். அவன் நினைச்சது நடக்கலேன்னா கோபம் வந்துடும். இத்தனை மணிக்கு வருவாங்கன்னு சொல்லி, எல்லாரும் லேட்டா வர்றாங்கன்னு வெச்சிகோங்களேன்… கோபம் வந்துடும் அவனுக்கு…ஏன்னா அவன் கரெக்ட் டயத்துக்கு செட்டுக்கு வந்துடுவான். நான் சொல்றது ஆரம்ப காலத்துல. டெக்னீஷியன்ஸ் லேட்டா வந்தாங்கன்னா…அவனுக்கு பிடிக்காது. ஏன், எதுக்குன்னு கேட்டு துளைச்சிடுவான். “ஏன் இப்படி பண்றாங்க? அவங்களுக்கு பணம் கிணம் சரியா கொடுக்கலையா நீங்க?”ன்னெல்லாம் கேட்பான். இந்த மாதிரி சின்ன சின்ன விஷயங்கள்ல எல்லாம் மிஸ்ஸானாக்கூட கோபம் வரும். ஆனா அதை வெளியே காட்டிக்க மாட்டான். அவன் கூட நெருங்கி பழகுனவங்களுக்கு தான் அது தெரியும். தனியா கூப்பிட்டு சொல்லிடுவாரு. “இந்த மாதிரியெல்லாம் செஞ்சா சரியாவராது… சரியா ஆர்கனைஸ் பண்ணுங்க”ன்னு ப்ரொடக்ஷன் மானேஜரை கூப்பிட்டு சொல்லிடுவாரு. ‘வொர்க்ல கான்சன்ட்ரேஷன் இல்லேன்னா நீங்கல்லாம் ஏன்பா சினிமாவுக்கு வர்றீங்க?’ன்னு சத்தம் போடுவாரு. டைரக்டராகட்டும், நடிகராகட்டும், எழுத்தாளனாகட்டும், யாரா இருந்தாலும் வேலைல கான்ஸன்டிரேஷன் பண்ணுங்க அப்படின்பார். அப்புறம் ஜாலியா இருங்க. என்னவென்னாலும் பண்ணுங்க. வேலைல சுணக்கம் இருக்கக்கூடாதுங்க்றது அவனோட பாலிஸி. இது அவன் ரத்தத்துலயே ஊறிப் போச்சு.

வொர்க்ல கான்சன்ட்ரேஷன் இல்லேன்னா நீங்கல்லாம் ஏன்பா சினிமாவுக்கு வர்றீங்க?ன்னு சத்தம் போடுவாரு. டைரக்டராகட்டும், நடிகராகட்டும், எழுத்தாளனாகட்டும், யாரா இருந்தாலும் ‘வேலைல கான்ஸன்டிரேஷன் பண்ணுங்க’ அப்புறம் ஜாலியா இருங்க. என்னவென்னாலும் பண்ணுங்க’ அப்படின்பார்.

எம்.ஜி.ஆருக்கு பிறகு ரஜினி தான்

நாம் : அவரோட மக்கள் செல்வாக்கை நீங்க பார்த்து வியந்த சம்பவம் ஏதாவது உண்டா?

(இதற்கு எந்த மாதிரி பதில் சொல்வது என்று ஒரு கணம் அவருக்கு புரியவில்லை. யோசிக்கிறார்.)

நாம் : ஷூட்டிங் ஸ்பாட்ல, ஏர்போர்ட்ல இப்படி ஏதாச்சும்… சம்பவங்கள்….

திரு.பஞ்சு அருணாச்சலம் : எனக்கு தெரிஞ்சி எம்.ஜி.ஆருக்கு அப்புறம் பப்ளிக்ல வெச்சு ஷூட்டிங் பண்ணமுடியாத அளவுக்கு கூட்டம் வர்ற ஒரு ஆர்டிஸ்ட் ரஜினி தான். அப்போ நடந்ததையே சொல்றேன். முரட்டுக்காளைக்காக நாங்க ஷூட்டிங் போயிருந்தப்போ, கோயம்புத்தூர், கோபிசெட்டிப்பாளையம் இங்கெல்லாம் ஷூட்டிங் நடந்தது. இப்போ இருக்குற மாதிரி அப்போ அவோரடா ஸ்டேட்டஸ் இல்லே. ஜஸ்ட் வளர்ந்துட்டு வர்றாரு. அவ்வளவு தான். அப்போவே அவரை பார்க்க அந்த பாட்டு ஷூட்டிங்குக்கு கூட்டம்னா கூட்டம் அப்படி ஒரு கூட்டம். தெருத் தெருவா கூட்டம். மாநாடு மாதிரி இருந்திச்சு. அவ்ளோ கூட்டத்தையும் அழகா மானேஜ் பண்ணி எஸ்.பி.எம். ஷூட் பண்ணினாரு. அந்த கூட்டத்தையே அந்தப் பாட்டுல கூட அழகா சேர்த்துட்டாரு. ரஜினிக்கு பப்ளிக் சப்போர்ட் என்பது சினிமாவையும் தாண்டி வெளியே வந்துடுச்சுன்னு நிரூபணம் பண்ணின படம் முரட்டுக்காளை.

தெருத் தெருவா கூட்டம். மாநாடு மாதிரி இருந்திச்சு. ரஜினிக்கு பப்ளிக் சப்போர்ட் என்பது சினிமாவையும் தாண்டி வெளியே வந்துடுச்சுன்னு நிரூபணம் பண்ணின படம் ‘முரட்டுக்காளை’.

இது ஜஸ்ட் ஒரு பிகினிங் தான். அதுக்கப்புறம் எல்லாமே ஏறுமுகம் தான். அடுத்தடுத்த படங்கள்ல அவரோட செல்வாக்கு ஜனங்கள் கிட்டே எந்தளவு உயர்திருக்கும்னு நீங்களே யூகம் பண்ணிக்கோங்க. அவுட்டோர்ல் அவரை வெச்சு ஷூட் பண்றதே கஷ்டமா இருக்கும்.
—————————————————————
வேடிக்கை பார்க்க வந்த மக்களே படத்தில் இடம்பெற்ற ‘முரட்டுக்காளை’ பாடல் - வீடியோ
—————————————————————

Video URL : http://www.youtube.com/watch?v=ODskDW_W3HY

நாம் : சார்… ஒரே ஒரு பர்சனல் கேள்வி. நடுவுல நீங்க கொஞ்சம் காலம் தாடியோட இருந்தீங்க. ஏன்னு தெரிஞ்சிக்கலாமா? ஏதாவது பிரார்த்தனையா?

திரு.பஞ்சு அருணாச்சலம் : விசேஷ காரணம் எதுவுமில்லே. பங்க்ஷன், மேரேஜ் இங்கெல்லாம் போகாம ஒரு பத்து நாள் வீட்ல இருந்தாலே தாடி வெச்சிடுவேன். சில சமயம் அது தொடர்ந்துரும். எனக்கு இப்போ வயசு 72 ஆகுது. நான் இது வரைக்கும் காஸ்மெடிக், பவுடர் இதெல்லாம் எதுவும் யூஸ் பண்ணதில்லே. நான் மட்டுமில்லே… ரஜினிகாந்தும் அப்படித் தான். ஒரு படம் முடிஞ்சவுடனே, அடுத்த படம் ஸ்டார்ட் பண்றதுக்கு இடைப்பட்ட காலத்துல தாடி வெச்சிடுவான். தாடி வெச்சுக்குவான் என்பதில்லே. அது ரெஸ்ட்ல இருக்குற பீரியட். படம் பாக்குறது, ப்ரெண்ட்ஸ் கூட டைம் ஸ்பென்ட் பண்றதுன்னு ரிலாக்ஸா இருப்பான். தோற்றத்தை பத்தி அப்போ கவலைப்படமாட்டான்.

ஜாதி, மதம், இனத்துக்கு அப்பாற்ப்பட்டது சினிமா

நாம் : அவர் எத்தனையோ பேருக்கு எவ்வளவோ உதவி பண்றாரு. வெளியே தெரியுறதில்லே. அது பற்றி உங்களுக்கு ஏதாவது தெரியுமா?

(இதெல்லாம் சொல்லனுமா என்கிற தயக்கம் அவரிடம் தென்படுகிறது)

நாம் : எதுக்கு கேட்கிறோம்னா, அவர் தான் செய்யும் நல்ல விஷயங்களுக்கு விளம்பரம் விரும்புறதில்லே. அது எங்களுக்கும் தெரியும். இருந்தாலும் அவரை அவரோட பூர்வீகத்தை விமர்சிக்கிறவங்களுக்கு இது புரியலே. அதுக்காகத் தான் கேட்கிறோம்.

திரு.பஞ்சு அருணாச்சலம் : அது அவர் அரசியலுக்கு வருவார்னு எதிர்ப்பார்ப்பு இருந்தப்போ அதை ஒரு ஆயுதமாக்க பார்த்தாங்க. எம்.ஜி.ஆர்.கிட்டயே அது நிக்கலை. ஜனங்க கிட்டே ஒருத்தருக்கு பாப்புலாரிட்டி வந்துடுச்சுன்னு வெச்சிகோங்களேன்… ஜாதி, மதம் இதெல்லாம் எடுபடாது. கலை, இசை இதெல்லாம் ஜாதி மதம், இனத்துக்கு அப்பாற்ப்பட்டது. இங்கேயிருந்து எத்தனையோ பேர் மத்த ஸ்டேட்ஸ் போய் அங்கே ஜொலிக்கிறாங்க. அங்கேயிருந்து நிறைய பேர் இங்கே வந்து ஜெயிக்கிறாங்க.

அது அவர் அரசியலுக்கு வருவார்னு எதிர்ப்பார்ப்பு இருந்தப்போ அதை ஒரு ஆயுதமாக்க பார்த்தாங்க. எம்.ஜி.ஆர்.கிட்டயே அது நிக்கலை.

நாம் : அதனால் தான் சார், அந்த காலத்தோல் பெரியவங்க… ‘தென்னிந்திய நடிகர் சங்கம்’ன்னு பேர் வெச்சாங்க. தமிழ் நடிகர் சங்கம்னு வெக்கலே. ஏன்னா, கலைஞர்களுக்குள் அப்போ இருந்தவங்க வேறுபாடு பார்க்கலை.

நாம் : அவரோட ஆன்மீக் ஈடுபாடு பற்றி ?

திரு.பஞ்சு அருணாச்சலம் : இப்போன்னு இல்லே… ஆரம்பத்துல இருந்தே அவருக்கு ஆன்மீகத்துல ஈடுபாடு உண்டு. டெய்லி சுமார் அரை மணிநேரம் அவரோட பூஜை ரூம்ல மெடிடேஷன்ல உட்காருவார். கல்யாணம் ஆன புதுசுல எல்லாம் அவர் வீட்டுக்கு போவேன் நான். இங்கே லோக்கல்ல தான் எங்கேயாவது ஷூட்டிங் இருக்கும். “வீட்டுக்கு வாங்க சார். அப்படியே ஒண்ணா போயிடலாம்”னு கூப்பிடுவாரு. நானும் போவேன். குளிச்சிட்டு வந்து அப்படியே விபூதி பூசிகிட்டு பூஜை ரூம்ல அப்படியே அமைதியா உட்கார்ந்துடுவாரு.  கோவிலுக்கு போறது, சாமி கும்பிடுறது அந்த மாதிரி எல்லாத்தையும் விட, அதுக்கு அடுத்த ஸ்டேஜ் ஒன்னு இருக்கு. மோன நிலைன்னு சொல்லுவாங்க. அவர் அந்த ஸ்டேஜுக்கு போய் ரொம்ப காலமாகுது.

கோவிலுக்கு போறது, சாமி கும்பிடுறது அந்த மாதிரி எல்லாத்தையும் விட, அதுக்கு அடுத்த ஸ்டேஜ் ஒன்னு இருக்கு. மோன நிலைன்னு சொல்லுவாங்க. அவர் அந்த ஸ்டேஜுக்கு போய் ரொம்ப காலமாகுது.

நாம் : ரஜினி இந்தளவுக்கு ஒரு மிகப் பெரிய சக்தியாக உருவெடுப்பார் என்று நீங்கள் எதிர்பார்த்தீர்களா? ஏன் என்றால் “உலகில் உனக்கு சரித்திரம் உண்டு”ன்னு எழுதுனீங்க நீங்க. அதனால கேட்கிறேன்.

திரு.பஞ்சு அருணாச்சலம் : நிச்சயம் இல்லே. ‘ஆறிலிருந்து அறுபது வரை’, ‘எங்கேயோ கேட்ட குரல்’ இந்த படங்களை எல்லாம் அவர் அரை மனதாகத் தான் ஒப்புக்கொண்டார். பின்னர் முழு ஈடுபாடு காட்டி நடித்தார். அவர் இந்தளவு ஒரு பெரிய ஸ்டாராக வந்திருக்கிறார் என்றால் அதற்கு காரணம் அவரது உண்மையான ஈடுபாடும் உழைப்புமே தவிர, தாம் ஒரு பெரிய ஸ்டாராக வேண்டும் என்கிற எதிர்ப்பார்ப்பினால் அல்ல. It all happened because of his sincerity not aim.

(அவர் சொல்றது புரியுதா நண்பர்களே? ரொம்ப நுட்பமான விஷயம் இது! இதை தான் வள்ளுவர் அழகா சொல்லியிருக்கிறார்….
“வெள்ளத் தனைய மலர்நீட்டம் மாந்தர்தம்
உள்ளத் தனையது உயர்வு”ன்னு.)

—————————————————————————————-
ரஜினி & பஞ்சு அருணாசலம் கூட்டணி - கலக்கல் வீடியோ காட்சிகள்
—————————————————————————————-

Video URL : http://www.youtube.com/watch?v=ucVDVFsgLcU

ஒரு நடிகனாக வேண்டும் என்பது மட்டும் தான் அவரது AIM. ஆனால் அது எந்தளவு போகும் என்பதை அவரே எதிர்பார்த்தது கிடையாது. ஆரம்பத்துல இருந்து அவர் கூட நான் இருப்பதால் இது எனக்கு தெரியும். ப்ரியாவில் நடிக்கும்போதேல்லாம் என்னை அடிக்கடி கேட்பார், “என்ன சார்… இந்த படம் நல்ல போகுமா? நான் இன்னும் எத்தனை நாளுக்கு தாக்குபிடிப்பேன்?” அப்படினெல்லாம் கேட்பாரு. “நீ சும்மாயிருப்பா… நீ பிரமாதமா வருவே”ன்னு நான் சொல்வேன். காரணம் அவனுக்குன்னு ஒரு ஸ்டைல், ஆக்டிவிடீஸ் உண்டு. இதை வெச்சு எத்தனை நாளைக்கு ஃபீல்டுல நிக்க முடியும் என்பது அவனுக்கே ஒரு புதிராக இருந்தது. அதுனால அப்போல்லாம் ஏகப்பட்ட படங்கள் ஒத்துக்குவான். வருஷம் 15, 20 படம் நடிப்பான். ஏன்னா, இருக்கும்போதே ஓரளவு சம்பாதிச்சிட்டனும்னு ஒரு வேகம் இருந்தது அவன்கிட்டே.

“என்ன சார்… இந்த படம் நல்ல போகுமா? நான் இன்னும் எத்தனை நாளுக்கு தாக்குபிடிப்பேன்?” அப்படினெல்லாம் கேட்பாரு.

முரட்டுக்காளைல்லாம் வந்த பிறகு, அது ஓஹோன்னு ஓடின பிறகு தான் அவனுக்கு ஒரு தன்னம்பிக்கை வந்தது. “நமக்கு இங்கே நிச்சயம் ஒரு நிரந்தர இடம் இருக்கு”ன்னு நம்பிக்கை வந்தது. அதுக்கு பிறகு படங்களை குறைச்சிக்க ஆரம்பிச்சிட்டான். அது கூட சுயநலத்தினால் அல்ல. தன்னை நம்பி பணம் போடும் தயாரிப்பாளர்களோட நலனை மனசுல வெச்சு தான். நல்ல விலை கொடுத்து படத்தை டிஸ்ட்ரிப்யூட்டர்ஸ் வாங்குவாங்க. அது ஓடுறதுக்குள்ளே இவன் அடுத்த படத்தை விடக்கூடாது இல்லையா….? ஆகையால் முரட்டுக்காளைக்கு பின்னர், வருஷத்துக்கு 3 அல்லது 4 படம்னு குறைச்சிக்கிட்டான்.

……………… TO BE CONTINUED IN PART 2

அடுத்த பாகத்தில்:
—————————————————————————————
“உலகில் உனக்கு சரித்திரம் உண்டு”ன்னு எழுதுனீங்க… அது எதை மனசுல வெச்சி?

இன்றைய பில்டப் நடிகர்கள் குறித்து என்ன நினைக்கிறீர்கள்?

இத்தனை ஆண்டுகால சினிமா வாழ்க்கையில் நீங்கள் கற்றுக்கொண்டது என்ன?

இன்றைய ரசிகர்களுக்கு, இளைஞர்களுக்கு என்ன கூற விரும்புகிறீர்கள்?

திருமதி. லதா ரஜினி அவர்கள் பற்றி உங்கள் கருத்து?

ரஜினி அவர்கள் இனி என்ன செய்ய வேண்டும் என்று நீங்கள் கருதுகிறீர்கள்?

மேற்படி கேள்விகளுக்கு திரு.பஞ்சு அருணாச்சலம் கூறும் சூடான பதில்கள் அடுத்த பாகத்தில்…
—————————————————————————————

[END OF PART 1]