தமிழுக்காகவும், தமிழ் வளர்ச்சிக்காகவும் உருவாக்கப்பட்ட கம்பன் கழகம் சார்பில், 38வது ஆண்டு கம்பன் விழா, சென்னையில் 3 நாட்கள் (ஆகஸ்ட் 10, 11, 12) நடைபெற்றது.

“கம்பன் - யாதுமாகி நின்றான்” என்ற தலைப்பில் நடைபெற்ற இந்த விழா, மயிலாப்பூர் ஏவி.எம். ராஜேஸ்வரி திருமண மண்டபத்தில் நடந்தது. மூன்று நாட்கள் நடைபெற்ற இந்த விழாவின் இரண்டாம் மற்றும் மூன்றாம் நாட்களில் சூப்பர் ஸ்டார் ரஜினி கலந்துகொண்டு விழாவை முழுமையாக ரசித்தார்.

இரண்டாம் நாளன்று அவர் கூறிய கதை ஒன்றை பிரபல பட்டி மன்ற பேச்சாளர் கூறி கைத்தட்டல்களை அள்ளிக்கொண்டு சென்றார்.

கடந்த நான்காண்டுகளாக ரஜினி இந்த விழாவில் தவறாமல் கலந்துகொண்டு வருகிறார். (சிகிச்சை முடிந்து வீட்டில் ஓய்வெடுத்து வந்தமையால் 2011 ஆம் கலந்துகொள்ளவில்லை).

முதல் நாள் விழாவுக்கு, சென்னை ஐகோர்ட்டு நீதிபதி வி.ராமசுப்பிரமணியன் தலைமை தாங்கினார். விழாவில் கலந்துகொண்டவர்களை, கம்பன் கழக தலைவர் ஆர்.எம்.வீரப்பன் வரவேற்றார்.

அதனைத் தொடர்ந்து, பேராசிரியர் சரஸ்வதி ராமநாதன் எழுதிய ‘கம்பன் பிறந்த தமிழ்நாடு’ என்ற ஏவி.எம். அறக்கட்டளை சொற்பொழிவு நூலை, சென்னை கம்பன் கழக துணைத்தலைவர் நல்லி குப்புசாமி வெளியிட்டார். அவரிடம் இருந்து புதுவைக் கம்பன் கழக தலைவர் ந.கோவிந்தசாமி முதல்படியை பெற்றுக்கொண்டார்.

அதன்பின்னர், தமிழறிஞர்களுக்கு விருது மற்றும் நினைவுப்பரிசு வழங்கும் நிகழ்ச்சி நடைபெற்றது. விழாவுக்கு வந்தவர்களை வரவேற்று கம்பன் கழக தலைவர் ஆர்.எம்.வீரப்பன் பேசியதாவது:

தமிழுக்கு பொக்கிஷமாக கிடைத்த அறிஞர் கம்பன் ஆவார். 800 ஆண்டுகளுக்கு முன்பே தமிழுக்காக மாபெரும் இலக்கியமான ராமாயணத்தை படைத்தார். அவருக்காக நாடு முழுவதும் கம்பன் விழா நடத்தப்பட்டு வருகிறது.

ராமரை வணங்க, போற்ற இலக்கியத்தை கம்பன் தரவில்லை. தமிழர்களுக்கு பயன்படும் வாழ்க்கை நெறியோடு, அறிவு & ஆற்றலை எடுத்துக் காட்ட ராமாயணத்தை படைத்துள்ளார். எந்த லட்சியத்திற்காக கம்பன் விழா நடத்தப்படுகிறது என்பதை உணர்ந்து ஒவ்வொரு ஆண்டும் பொது நோக்கோடு விழா நடத்தப்படுகிறது. இந்த ஆண்டு கம்பன் யாதுமாகி நின்றான் என்ற தலைப்பில் 3 நாள் விழா நடைபெறுகிறது.  இவ்வாறு ஆர்.எம்.வீரப்பன் கூறினார்.

இரண்டாம் நாள் விழாவில் மாலை எவரும் எதிர்பாராத வண்ணம் சூப்பர் ஸ்டார் ரஜினி கலந்துகொண்டு நிகழ்ச்சி முழுக்க சுமார் 3 மணிநேரத்துக்கும் மேல் அமர்ந்து ரசித்தார்.

முன்னதாக நிகழ்ச்சிக்கு வந்த ரஜினி அவர்களை பிரபல பட்டிமன்ற பேச்சாளர் திருமதி.பாரதி பாஸ்கர் மற்றும் திருமதி.டி.எஸ்.பிரேமா ஆகியோர் பார்த்து தங்கள் வணக்கங்களை பரிமாறிக்கொண்டனர்.

தொடர்ந்து சுழலும் சொல்லரங்கம் என்ற நிகழ்ச்சி நடைபெற்றது. காப்பியப் போக்கிற்கு பெரிதும் பெருமை சேர்ப்பது கம்ப மகளிரின்…. “மதி நுட்பமல்ல…. உறுதிப்பாடே” என்ற தலைப்பில் திருமதி.பாரதி பாஸ்கரும், “உறுதிப்பாடல்ல… தியாக உணர்வே” என்ற தலைப்பில் திருமதி. இராம சௌந்தரவல்லி அவர்களும், “தியாக உணர்வல்ல; கொடுமனமே” என்ற தலைப்பில் திருமதி.விசாலாட்சி சுப்ரமணியனும், “கொடுமனமல்ல; மதிநுட்பமே!” என்ற தலைப்பில் திருமதி. டி.எஸ்.பிரேமாவும் உரையாற்றினர்.
பைந்தமிழில் கம்ப மகளிர் ஆற்றிய உரையை சூப்பர் ஸ்டார் ரஜினி மெய்மறந்து கேட்டார்.

“மதி நுட்பமல்ல…. உறுதிப்பாடே” என்ற தலைப்பில் பேசிய திருமதி.பாரதி பாஸ்கர் தனது வாதத்திற்கு வலு சேர்க்கும் விதமாக ரஜினி அவர்கள் கூறிய கதை ஒன்றினை சமயோசிதமாகக் கூறி கைதட்டல்களை அள்ளிக்கொண்டு சென்றார்.

திருமதி.பாரதி பாஸ்கர் கூறியதாவது : கம்பன் தன் இலக்கியத்தில் கையாண்டிருக்கும் மகளிர்க்கு பெருமை சேர்ப்பது அவர்கள் மன உறுதியே தவிர வேறில்லை. சூப்பர் ஸ்டார் ரஜினி அவர்கள் கூறிய ஒரு கதையை இங்கு கூறிக்கொள்ள ஆசைப்படுகிறேன். ஒரு பெண்ணிற்க்கு தைரியம் தான் மிகவும் முக்கியம். தைரிய லட்சுமி மட்டும் நம்மிடம் வந்துவிட்டால் ஏனைய அனைத்து செல்வங்களும் நம்மிடம் தானே தேடி வந்துவிடும். (முழு கதையையும் கூறுகிறார்.).

திருமதி.பாரதி பாஸ்கர் கூறி முடித்தவுடன், அரங்கமே கைத்தட்டல்கள் அதிர்ந்தது.

அடுத்த சில மணித்துளிகளில் நிகழ்ச்சி நிறைவு பெற, சூப்பர் ஸ்டார் ரஜினி அனைவருக்கும் வணக்கம் கூறிவிட்டு கிளம்பிச் சென்றார்.

இரண்டாம் நாள் மாலை நடைபெற்ற பட்டி மண்டபத்தை காண சரியாக மாலை 5.00 மணிக்கெல்லாம் வந்துவிட்டார்.

“வீழ்ச்சியிலும் நம் மனத்தை பெரிதும் ஆட்சி செய்வது “தயரதன் மரணமே” (அல்லது) “வாலி வதையே” (அல்லது) “இராவணன் முடிவே” என்ற தலைப்பில் திரு.அவ்வை நடராஜன் தலைமையில் நடைபெற்ற இந்த பட்டி மண்டபத்தில், தலை சிறந்த பேச்சாளர்களும் இலக்கிய ஆர்வலர்களும் பங்கு பெற்றனர்.

இறுதியில் பார்வையாளர் வாக்கெடுப்பு நடைபெற்றது. சூப்பர் ஸ்டார் ரஜினி உள்ளிட்ட பார்வையாளர்களும் தமிழ் நேசர்களும், ஆர்வமுடன் தங்கள் தீர்ப்பை வாக்குச் சீட்டில் எழுதி வாக்களித்தனர்.

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

கம்பன் விழா - துளிகள்

* 3 நாட்கள் நடைபெற்ற இந்த விழாவிற்கு தமிழகம் மற்றும் பல வெளிநாடுகளில் இருந்து தமிழறிஞர்கள் வந்திருந்தனர்.

‘* பல தமிழறிஞர்கள் பாராட்டும் ரொக்கப் பரிசும் தந்து கௌரவிக்கப்பட்டார்கள்.

* அதே போல இலக்கிய ஆர்வம் மிக்க மாணவ சமுதாயத்தை சேர்ந்த பலர் இந்த விழாவில் பாராட்டும் பதக்கமும் தந்தது கௌரவிக்கப்பட்டார்கள். இவர்களில் ஹிந்து மதமல்லாத பிற சமுதாயத்தை சேர்ந்தவர்களும் அடங்குவர்.

* சூப்பர் ஸ்டாரின் வருகை எப்போதும் போல ரகசியமாகவே வைக்கப்பட்டிருந்தது.

* சூப்பர் ஸ்டார் ரஜினி வந்தபோதும் சரி… கிளம்பிச் சென்ற போதும் சரி… மிக மிக வேகமாக இருந்தது. ஃபோட்டோக்ராபர்களுக்கு அவருடன் ஓடிச் சென்று புகைப்படம் எடுக்க பெரிய சவாலாக இருந்தது.

* சூப்பர் ஸ்டார் வாக்களித்துவிட்டு திரும்பியவுடன், பார்வையாளர்கள் அவரை சூழ்ந்துகொண்டு கைகொடுப்பதும், வாழ்த்து தெரிவிப்பதுமாக இருந்தனர்.

‘* வெளியே வரும்போது, ஏ.வி.எம்.ராஜேஸ்வரி மண்டப ஊழியர்களும் நிகழ்ச்சிக்கு வந்திருந்த பார்வையாளர்களும் அவரை மொயத்துவிட்டனர்.

* மூன்று மணிநேர நிகழ்ச்சியில் சூப்பர் ஸ்டார் இடையில் தான் அமர்ந்த இடத்தை விட்டு எழுந்திருக்கவில்லை.

* எவரிடமும் பேசாது, விழா நிகழ்ச்சிகளை, உரைகளை கவனத்துடன் கேட்டார் ரஜினி.

* அறிஞர்கள் சுவையான பல தகவல்களை கம்ப ராமாயனத்திளிருந்து கூறியபோது மனவிட்டு சிரித்தார்.

* பட்டிமண்டப தலைப்ப்பு தொடர்பாக பார்வையாளர்கள் தீர்ப்பை கேட்டு வாக்கெடுப்பு நடந்தபோது, தந்தது தீர்ப்பை வாக்குச் சீட்டில் எழுதி வாக்களித்தார்.

* தலைப்பு என்ன தெரியுமா? “வீழ்ச்சியிலும் நம் மனத்தை பெரிதும் ஆட்சி செய்வது “தயரதன் மரணமே” (அல்லது) “வாலி வதையே” (அல்லது) “இராவணன் முடிவே”.

* எனக்கு தெரிந்து சூப்பர் ஸ்டார் ரஜினி சூப்பர் ஸ்டார் ரஜினி, இராவணனுக்கே வாக்களித்திருப்பார் என்று கருதுகிறேன். ஏனெனில், இராவணன் கதாபாத்திரம் அவருக்கு மிகவும் பிடித்த ஒன்று.

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

Superstar Rajini in Kamban Kazhagam event - Complete Gallery

[END]