ஜப்பான் தலைநகரான டோக்கியோவில் நாளை (செப் 15) சிவாஜி படத்தின் சிறப்பு காட்சியில் நடிகை ஸ்ரேயா கலந்துகொள்கிறார்.

கனடா நாட்டில் டொரோண்ட்டோவில் நடைபெற்ற சர்வதேச திரைப்பட விழாவில் கலந்துகொண்ட அவர் அங்கிருந்து நேராக ஜப்பான் தலைநகர் டோக்கியோவுக்கு செல்கிறார்.

இது குறித்து தனது டுவிட்டரில் (https://twitter.com/shriyasmiling) ஸ்ரேயா கூறியிருப்பதாவது :

“சிவாஜி தி பாஸ் பார்ப்பதற்கு ஜப்பான் போய்கொண்டிருக்கிறேன். இதற்க்கு மேல் என்னால் பொறுமையாக இருக்கமுடியாது. 3D வடிவத்தில் படத்தை காண மிகவும் ஆவலாக இருக்கிறேன்.” ஆங்கில நாளிதழ் ஒன்றுக்கு அளித்த பேட்டியில் கூறியிருப்பதாவது : ரஜினி ஜப்பானில் ஒரு மிகப் பெரிய சக்தி. அவருடைய படத்தை மறுபடியும் பார்க்க ஆவலாக இருக்கிறார்கள் ஜப்பானியர்கள். அதுவும் 3D வடிவத்தில் என்றால் கேட்கவா வேண்டும்?” என்று கூறியிருக்கிறார் ஸ்ரேயா.

Tail piece 1 : இங்கு தமிழகத்தில் சிவாஜி 3D படம் வெளியாவதை பற்றி தெளிவான தகவல்கள் எதுவும் இல்லை. விஜய், சூர்யா ஆகியோரின் படங்களுக்கு போட்டியாக படத்தை தீபாவளிக்கு ரிலீஸ் செய்யவேண்டாம் என்று ரஜினி ஏ.வி.எம்.எம்மை கேட்டுக்கொண்டதாக வந்த செய்திகள் எதிலும் உண்மையில்லை. பொதுவாக இது போன்ற வெளியீட்டு விவகாரங்களில் அவர் தலையிடுவதில்லை. அதுவும் ஏ.வி.எம். நிறுவனத்தின் மேல் அவர் பெரு மதிப்பு வைத்திருக்கிறார். “அது அவர்கள் சௌகரியம். நாம் ஏன் இது பற்றி சொல்லவேண்டும்?” என்பதே அவர் மனவோட்டம்.

Tail piece 2 : சிவாஜி 3D படத்தின் ட்ரெயிலர், சென்னை நகரில் ஓடிக்கொண்டிருக்கும் Finding Nemo 3D, RAAZ 3D, உள்ளிட்ட 3D படங்களின் இடைவேளையின்போது திரையிடப்படுகிறதாம். இதை சற்றும் எதிர்பார்க்காத ரசிகர்கள் மற்றும் பொதுமக்கள், சூப்பர் ஸ்டாரை திரையில் பார்த்ததும் இன்ப அதிர்ச்ச்சியில் விசில் மற்றும் கைதட்டல்களால் தியேட்டரை அடி தூள் கிளப்பிவிடுகிறார்களாம்.

Tail piece 3: விநாயகர் சதுர்த்தி அன்று ‘கோச்சடையான்’ தரப்பிலிருந்து படத்தின் ஆடியோ குறித்த முக்கிய அறிவிப்பு ஏதேனும் வரலாம். அப்படியில்லையெனில் குறைந்தபட்சம் ஏதாவது விளம்பரத்தையாவது (புதிய ஸ்டில்லுடன்) எதிர்பார்க்கலாம்.

[END]