திரையுலகில் மிகவும் கஷ்டப்பட்டு முன்னுக்கு வந்தவர்களுள் ராகவேந்திரா லாரன்ஸும் ஒருவர். கடவுள் பக்தியோடு சமூக அக்கறையும் மிக்கவர். எளிமைக்கு பெயர் பெற்றவர். எல்லாவற்றுக்கும் மேல் ரஜினி ரசிகர்.

நம்பிக்கையுடன் உழைத்து, கிடைக்கும் வாய்ப்புக்களை சரியாக பயன்படுத்திக்கொண்டால் எப்பேர்ப்பட்ட சாதனையும் சாத்தியமே என்பதற்கு உதாரணமாய் திகழ்கிறார் லாரன்ஸ். அதே சமயம், “நீ வறியோர்க்கு கொடுப்பதையே இறைவன் உனக்கு பன்மடங்கு திருப்பித் தருகிறான்” என்றும் கூறுகிறது இவர் தற்போது எட்டியிருக்கும் உயரம்.

இந்த வார ‘குங்குமம்’ தீபாவளி சிறப்பிதழுக்கு அளித்துள்ள பேட்டியில் லாரன்ஸ் கூறியிருக்கும் சில முக்கியமான தகவல்களை பார்ப்போம்….

சூப்பர் ஸ்டார் சம்பந்தப்பட்ட கேள்வி-பதிலை மட்டும் தான் நான் இங்கு தருவதாக இருந்தேன். ஆனால் முழு பேட்டியையும் படித்த பின்னர் இந்த பேட்டியை உணர்த்தும் உண்மை மற்றும் வாழ்வியல் பாடங்கள் அவசியம் உங்கள் அனைவரையும் சென்று சேரவேண்டும் என்று கருதி மேலும் சில கேள்வி-பதில்களை இணைத்திருக்கிறேன்.

அனைவரும் படியுங்கள்… கருத்துக்களை உள்வாங்குங்கள்… சிகரத்தை எட்டுங்கள்!

க்ரூப் டான்சர், டான்ஸ் மாஸ்டர், இப்போ பார்த்தா, கோடிக்கணக்கில் சம்பளம் வாங்குற டைரக்டர்.. இதுல நீங்க யாரு?

லாரன்ஸ்: “நமக்கு மெட்ராஸ் தான் அட்ரஸ்! மூலக்கொத்தளம்0. அப்பாவுக்கு எல்.ஐ.சி.ல வேலை. மூக்கு முட்ட குடிச்சிட்டு எங்கேயாவது மல்லாந்து கிடப்பார். ‘மாமே… தியேட்டர்ல இங்கிலீஷ் படம் போட்டுருக்கான் வாயே… சொம்மா வூடு கட்டி ஆடிகினு வரலாம்’னு நண்பர்கள் கூப்பிடுவாங்க. நான் படத்துல் வர்ற இங்கிலீஷ்காரன் மாதிரியே ஷோக்கா ஆடுடுவேன். தியேட்டர்னு இல்லே… ‘மச்சான், ஆட வர்றியா”னு யார் கூப்பிட்டாலும் எழுந்து ஓடுவேன். அது கல்யான வீடு, கோவில் திருவிழான்னு எதுவா இருந்தாலும் கவலையில்லே. எனக்கு டான்ஸ் ஆட ஒரு சான்ஸ் வேணும். சாவு ஊர்வலங்களில் கர்ச்சீப் கட்டிக்கிட்டு ஆடிய காலமெல்லாம் இருந்தது. படிப்பு விளங்கலை. இப்பவும் சரியா எழுதப் படிக்க தெரியாது. இதைச் சொல்ல நான் வெட்கப்படலே.”

திடீர்னு அப்பா இறந்துட்டார். குடும்பம் நடுரோட்டுக்கு வந்தது. அம்மா காலையில எட்டு மணிக்கு வேலைக்கு போய் ராத்திரி எட்டு மணிக்கு வருவாங்க. ஸ்கூல் படிக்கும்போது சாப்பாட்டுக்கே கஷ்டம்.

திடீர்னு அப்பா இறந்துட்டார். குடும்பம் நடுரோட்டுக்கு வந்தது. அம்மா காலையில எட்டு மணிக்கு வேலைக்கு போய் ராத்திரி எட்டு மணிக்கு வருவாங்க. ஸ்கூல் படிக்கும்போது சாப்பாட்டுக்கே கஷ்டம். ஸ்கூல்ல ரெண்டு வாலி தண்ணி அடிச்சு கொடுத்தா, மூணு கரண்டி சோறு எக்ஸ்ட்ரா கிடைக்கும். அதுக்கு கையை தூக்கிட்டு முன்னாடி நிப்பேன். எல்லாரும் சிரிப்பாங்க. மானம் அவமானம் பார்த்தா மூணு தங்கைகளுக்கும் ஒரு தம்பிக்கும் சாப்பாடு கிடைக்காது.

அப்புறம் மாமா ஒருத்தர் ஸ்டான்ட் மாஸ்டர் சூப்பர் சுப்பராயன் கிட்டே அசிஸ்டெண்ட்டா சேர்த்துவிட்டார். அவர் காரை தொடைச்சேன். ஷூவுக்கு பாலீஷ் போட்டேன். பாக்கு வெத்தலை மடிச்சி கொடுத்தேன். ஷூட்டிங் பிரேக்ல ஆடச் சொல்லி பார்ப்பார். ஒரு சமயம் சூப்பர் ஸ்டார் வந்திருந்தார் அவருக்காக சுப்பராயன் சார் ஆடச் சொன்னார். ரஜினின்னா எனக்கு உயிரு. அதையே கொடுத்து அவருக்காக ஆடினேன்.

ரஜினி தான் டான்ஸ் அசோசியேஷனில் கார்டு எடுத்துக்கொடுத்தாரு. வாழ்க்கையில ஒளி தெரிஞ்சதெல்லாம் அதுக்கு பிறகு தான்.

60 அனாதை குழந்தைகளை வெச்சு காப்பாத்துறதுக்கு எப்படி மனசு வந்தது?

லாரன்ஸ்: “நான் சாப்பாடு, தண்ணி இல்லாமல் தெருவுல சுருண்டு கிடந்திருக்கிறேன். ‘சந்தோஷம்னா என்னன்னு மனுஷனுக்கு அதை அனுபவிக்கும்போது தெரியுறதில்லே’ன்னு கமல் சார் சொல்வார்.

இப்படி கொடுத்தாத் தான் வரும். இப்படி உதவி பண்ண ஆரம்பிச்ச பின்னாடி தான் உயர்ந்தேன். ஒரு லட்ச ரூபாய் வாங்கினவன் ஒரு கோடிக்கும் மேல் வாங்கினது எல்லாமே இவங்களை குழந்தைகளா ஏத்துகிட்ட பிறகு தான். இன்னைக்கு என் பெண்ணோட சேர்த்து 61 குழந்தைகளுக்கு ஸ்கூல் ப்ராக்ரஸ் ரிப்போர்ட்ல கையெழத்து போடுறேன். இவங்க சிரிப்புல தான் என் சந்தோஷத்தை பார்க்குறேன். வாழ்க்கையில சுயநலம் மட்டும் தான் உண்டுன்னா….மகான்கள் தோன்றியிருக்க மாட்டாங்க. எத்தனையோ பேர் என்கிட்டே வந்து, “ஏன்… பணத்தை அள்ளிக்கொட்டுறீங்க?”ன்னு. என் மேல பாசமா இருக்குற இந்தக் குழந்தைகளோட மாசு இல்லாத அன்பை பாருங்க. எல்லாத்தையுமே எனக்கு கொடுக்கணும்னு தோணுது. இந்த 60 பேர்ல யாராவது ஒரு காந்தி, மதர் தெரசா இருக்கலாம் இல்லையா?”

இப்படி உதவி பண்ண ஆரம்பிச்ச பின்னாடி தான் உயர்ந்தேன். ஒரு லட்ச ரூபாய் வாங்கினவன் ஒரு கோடிக்கும் மேல் வாங்கினது எல்லாமே இவங்களை குழந்தைகளா ஏத்துகிட்ட பிறகு தான்.

நீங்கள் ரஜினிகாந்த்துக்கு ரொம்ப தோஸ்த் இல்லையா?

லாரன்ஸ்: “கிட்ட தட்ட அவரை வழிபடுவேன். ‘உங்களக்கு பிடிச்ச ஹீரோ யாரு’ன்னு கேட்டா அவர் பேரைத் தான் சொல்லுவேன். ஒவ்வொரு படத்துக்கும் அவருக்கு கோடிக்கணக்கில் பணம். ஆனா பாருங்க…கவலைப்படாம வீட்ல இருக்கார். திடீர்னு கிளம்பி இமயமலைக்கு போறார். மூணு மாசத்துக்கு ஒரு படம்னு சம்பாதிக்கலாம் அந்த எண்ணமே அவருக்கு வந்ததில்லை. நினைச்சா வீட்ல இருக்குற தைரியம் அவருக்கு இருக்கு. இவ்வளவு புகழையும் பயன்படுத்தாத தன்மை அவருகிட்டே இருக்கு. எனக்கு அடிக்கடி பேசுவார் எல்லாம் பேசுவார். நவராத்திரி கொலுவுக்கு கூப்பிட்டார். நானும் மனைவியும் குழந்தையும் போயிருந்தோம். “உங்க மனைவி பேர் என்ன?”ன்னு கேட்டார். ‘லதா’ன்னு சொன்னேன். ‘அட உங்களுக்கு லதா எனக்கும் லதா. உங்களுக்கும் ராகவேந்திரா எனக்கும் ராகவேந்திரா…. சூப்பர் சூப்பர்’னு சொன்னார். எப்பவும் அவரை நான் நினைச்சால் சந்திக்கலாம் அது எனக்கு அவர் அளித்திருக்குற இடம்!”

மூணு மாசத்துக்கு ஒரு படம்னு சம்பாதிக்கலாம் அந்த எண்ணமே அவருக்கு வந்ததில்லை. நினைச்சா வீட்ல இருக்குற தைரியம் அவருக்கு இருக்கு. இவ்வளவு புகழையும் பயன்படுத்தாத தன்மை அவருகிட்டே இருக்கு.

வெற்றியை தக்க வெச்சுக்க உங்க டிப்ஸ் என்ன?

லாரன்ஸ்: “எங்கேயும் மிதந்துடாதீங்க மிஸ்ஸாகிடாதீங்க. ‘நீ பெரிய கலைஞன்டா ? உன்னை மாதிரி எவன்டா?”ன்னு புகழ்ச்சி வார்த்தையில மயங்கிடாதீங்க. வெற்றி, தோல்வி இதெல்லாம் ஒரு விஷயமே இல்லை. ஆயுசுக்கும் அன்பு செளுத்துறதும்… உழைப்பும் தான் நமக்கு மரியாதை கொடுக்கும்.”

[END]