திரு.பால் தாக்கரே மறைவுக்கு சூப்பர் ஸ்டார் ரஜினிகாந்த் இரங்கல் தெரிவித்துள்ளார். மிகப்பெரும் தலைவராக விளங்கியவர் தாக்கரே என அவர் புகழாரம் சூட்டியுள்ளார்.

சிவசேனா தலைவர் பால் தாக்கரே, மும்பையில் நேற்று காலமானார். அவரது மறைவுக்கு நடிகர் ரஜினிகாந்த் இரங்கல் செய்தி வெளியிட்டுள்ளார். அதில் அவர் கூறி இருப்பதாவது:–

திரு. பாலாசாகேப் தாக்கரே மிகப்பெரும் தலைவராக திகழ்ந்தார். எனக்கும், எத்தனையோ பேருக்கும் அவர் தந்தை போன்று விளங்கினார். அவரது மறைவு அனைவருக்கும் மிகப்பெரிய இழப்பாகும். அவரது குடும்ப உறுப்பினர்களுக்கும், உலகமெங்கும் உள்ள அவரது ஆதரவாளர்களுக்கும் எனது ஆழ்ந்த இரங்கல்களை தெரிவித்துக் கொள்கிறேன்.

அவரது ஆன்மா, இறைவன் திருவடி நிழலில் அமைதி பெற பிரார்த்திக்கிறேன். இவ்வாறு அதில் ரஜினிகாந்த் கூறி உள்ளார்.

மறைந்த பால்தாக்கரே மீது சூப்பர் ஸ்டார் பெருமதிப்பு வைத்திருந்ததும் மும்பையில் 2010 ஆம் ஆண்டு ‘எந்திரன்’  வெளியீட்டையொட்டி அவரை சந்தித்து ஆசிபெற்றதும் குறிப்பிடத்தக்கது.

ரஜினியின் பூர்வீகம் மராட்டியம் என்பதால் ரஜினி மீது மறைந்த பால் தாக்கரே அவர்களுக்கு பெரு மதிப்பு உண்டு. பல்வேறு பேட்டிகளில் ரஜினியை அவர் பாராட்டியுள்ளார்.

[END]